電影《歲月神偷》一班台前幕後昨日回到永利街，慶祝不用清拆。
被形容為挽救永利街唐樓的「一部戲」，《歲月神偷》的台前幕後人員昨日拉隊到電
影取景現場，慶祝永利街暫時逃過被清拆命運。憑此電影揚威柏林影展的監製張婉婷說：「如果幫到少少，我覺得係（電影）最有價值嘅地方，比起呢套戲其他嘢（指獲得水晶熊獎）係更大成就。」冀留原汁原味風貌
導演羅啟銳高興政府迅速回應保育永利街的訴求。黎樹雄攝
張 婉婷昨日與《歲月神偷》的出品人岑建勳、導演羅啟銳、主角任達華及吳君如重返永利街，慶祝市區重建局提出永利街新保育方案。《歲》片揚威柏林又票房報捷， 但張婉婷最感高興還是永利街得以保留，並讚揚政府今次順應民意，理性解決事件。「獎項同票房都唔係永久，但係保留條街就係永遠嘅。」導演羅啟銳同樣大讚市 建局的決定：「政府咁有錢，應該復修同保留最原汁原味嘅風貌，拆咗再起或者唔知點活化就唔同咗樣，會好奇怪。」羅啟銳其實是借《歲》片重溫兒時往事，他對 政府今次做法大表欣賞：「保留 40年前咁樣，唔好起乜嘢牌坊喇。政府今次反應咁快值得表揚，我哋拍完部戲都好唔捨得，日後得閒都會嚟行吓。」《歲》片中飾演鞋匠夫婦的任達華及吳君如昨 日表現興奮，任達華說：「好事吖，今次係保育嘅好開始，其實永利街之外仲有上環嘅蘇杭街同電車路都好靚 o架，希望法國嘅朋友唔會毀滅電車啦，好開心因為一部電影令政府重新考慮成件事。」
「係人民力量勝利」
吳君如則稱：「今次係人民力量勝利，希望星期五（城規會會議）真係決定唔拆啦。」她又大讚市建局說：「今次靈 活走位，聽多啲市民聲音，唔好一本通書睇到老。」她原本以為電影拍完，永利街亦會被拆，所以拍攝期間帶女兒到場參觀，讓囡囡體會自己兒時居住環境。《歲》 片先前不被看好，但截至前日上映 5日票房已達 530萬元，令工作人員喜出望外。但回想籌拍之初，一切並不順利，由於資金不足，《歲》片險些胎死腹中，直到獲得電影發展基金撥款，才能夠順利開拍，拍攝 期間又因為要搬走七棵日本葵樹惹來外間批評。直至在柏林影展獲水晶熊獎好運才接踵而來，由於電影喚起香港人對永利街的關注，加上導演、演員聲嘶力竭要求保 留這份集體回憶，令到這個滿載 60年代情懷的地方暫見一片生機。
永利街項目事件簿 昨日市建局提出保留永利街全部 12幢唐樓新方案，只發展士丹頓街項目2010年 2月《歲月神偷》在柏林影展獲最佳影片水晶熊獎，再次掀起保育永利街的訴求2009年 10月特首發表施政報告，提出保育中環政策2008年 11月改為以強化保育元素發展永利街，保留其中三幢唐樓，不建高樓2008年初制訂永利街項目總綱發展藍圖2007年行政會議批准縮細版的發展計劃，土地 改為綜合發展區2003年恒基入稟要求將尚賢居現址，剔出士丹頓街項目範圍， 07年獲勝2002年立法會及政府要求接手的市區重建局盡快推展永利街項目1998年前土地發展公司將永利街/士丹頓街項目列作 25個重建項目之一
資料來源：市建局及《蘋果》資料室
沒有留言:
發佈留言